香港新浪網 MySinaBlog
« 上一篇 | 下一篇 »

魔術師時常都袋住兩枝金萬寶龍係身,搞到恤衫袋重甸甸,歪歪斜斜.好多時新相識既同事朋友見了,都會問:「咦,袋兩枝筆係身既?」

魔術師都會答:「係呀,一枝走珠,一枝鉛芯筆.」

魔術師喜歡走珠筆,因為走珠筆寫起來的感覺較原子筆佳,又沒有鋼筆時常要添墨的麻煩;而鉛芯筆則是在乘車時溫習,要來間書用的.

Picture

***

魔術師從小就有很多筆,原子筆、鋼筆和鉛芯筆多不勝數,大多數都是從學校的學業成績獎得來.既然是獎品,而且是學校送的,大都是高仕或派克之類的學生品牌.當然作為天神村學生,當時魔術師對牌子也沒深究,只是知道收到鋼筆獎品的話便會給媽媽抓住去練鋼筆字,然後便去書局買一疊鋼筆字帖給魔術師臨摹,可是當時魔術師沒恆心,只是敷衍式應付了事,白廢了媽媽一片苦心.

現在想起來也有點悔恨,一家三口之中,書讀得最多的是魔術師,中文字寫得最差的也是魔術師(其實英文字也好不了多少).

***

直至數年前的某一天,魔術師的恤衫袋上還是插著一枝金派克上班,一回到公司,便收到某senior既求救,魔術師見佢錯得離奇,一面幫佢睇問題,一面開玩笑地講左句:「咁都錯得咁樣衰?」

誰料得來的卻是senior的老羞成怒的回應:「你而家話邊個樣衰呀?」之後更上鋼上線同魔術師既前老細投訴,前老細便以「對上級不敬罪」為由捉左魔術師去照肺,魔術師當然不會認錯,重申講明當時既語氣係開玩笑,想緩和一下緊張氣氛,小題大做的是senior.

前老細當然係幫住senior,照完呢次肺之後,仲「覆診」左幾次,奇就奇在魔術師以管理學中的雙向溝通的重要性向前老細曉以大義既時候,前老細竟然話響佢手下現代管理學係無用既.即使以管理來說魔術師係比佢熟(暗指魔術師當時讀緊既工管碩士),只要佢寫衰魔術師份快勞,魔術師唔使旨意有職升,花紅亦會少好多云云.

聽完如此奇異既講法之後,魔術師不忿,便決定轉會.再細想之下,原來自己係更不忿被人用錢撻,更可惡既係,佢用既唔係自己錢,而只係公司錢!為左顯示無人可以用錢「收買」自己,魔術師便計算好預期損失既花紅(即邊際遞減),原來只係小數目,於是便在午飯時間去萬寶龍買了兩枝金筆.

然後施施然返公司,在前老細面前拆盒,再將兩枝金光閃閃的金筆插在恤衫袋上.

***

後來在某大荼飯的場合上,魔術師有機會跟前老細的大老細合作,該大老細見魔術師心思細密話頭醒尾,凡事準備妥當甚少失手,十分幫到現任老細手,便細問魔術師的來歷,講講下才知原來魔術師都叫在他手下辦過事,便問魔術師點解轉會,魔術師只答:「有d人事問題囉.」.該大老細聽罷,只見他皺起眉來,似在想甚麼.

***

最近在某個心理學分享會上,魔術師也將以上經歷講了出來,竟然還贏得一片掌聲,原來上班族的壓力,好多時都係來自上司不合情理既要求,因為敢怒不敢言,谷埋谷埋,心理健康便受影響.

 Picture

2008/01/23 23:55:55


[6] Re: samsara
samsara :
>>掉錯野
正傻佬!!!!!

都係果句,太多垃圾廣告之過

不敗的魔術師
[引用] | 作者 不敗的魔術師 | 25-Jan-08 22:23 | [舉報垃圾留言]

[5]

>>掉錯野

正傻佬!!!!!

第一份有好詳細既說明,仲有張卡列齊小朋友所有資料,仲有一張佢超可愛既相,我阿媽呀,就係放依張相在床頭啦,搞錯,我細個時都好得意嫁。

要等成年之後先有第二張相,你已經miss左佢最細個時既童年啦。


[引用] | 作者 samsara | 25-Jan-08 14:40 | [舉報垃圾留言]

[4] Re: samsara
samsara :
不過,金筆,仲要兩枝咁多,仲要咁多年都無唔見,厲害...

我細個時好大慒,成日唔見野;大個時就無喇,不過成日掉錯野啫.

不敗的魔術師
[引用] | 作者 不敗的魔術師 | 25-Jan-08 00:04 | [舉報垃圾留言]

[3] Re: 七十
七十 : 快d話俾人聽你衰d咩!

衰睇野唔帶眼囉!

不敗的魔術師
[引用] | 作者 不敗的魔術師 | 25-Jan-08 00:03 | [舉報垃圾留言]

[2]

告別過去
計劃未來

魔術師助人勇闖未來
快點啟航喇

以前既野
漠視!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

快d話俾人聽你衰d咩!


[引用] | 作者 七十 | 24-Jan-08 23:13 | [舉報垃圾留言]

[1]

我以前個A Maths阿Sir,永遠袋住一枝铅芯茟...果然係數怪。

不過,金筆,仲要兩枝咁多,仲要咁多年都無唔見,厲害...


[引用] | 作者 samsara | 24-Jan-08 14:14 | [舉報垃圾留言]